Әдістеме, есептеу үшін пайдаланылған деректер, көрсеткіштер саны және есептеу тәсілі өзгерген жоқ. Ағымдағы шығарылымда 20 көрсеткіштің 17-сі жаңартылды (9-тоқсандық және 8 жылдық).

Рейтингтің көшбасшыларының орындары 2023 жылдың 3-тоқсанының қорытындысымен салыстырғанда аздап өзгерді: Алматы қаласы 80,37 балл жинап, екінші орыннан бірінші орынға көтерілді. Қаланың көтерілуіне креативті экономика саласындағы қызметтердің үлкен көлемі және ауыз судың орталықтандырылған су құбыры арқылы қолжетімділігі ықпал етті. 10-орыннан екінші орынға Ұлытау облысы көтеріліп, 76,94 балл жинады. Бұл өңірде ауыз судың сапасы бойынша көрсеткіштер айтарлықтай жақсарды. Бірінші орыннан үшінші орынға Атырау облысы түсті, әсіресе медициналық мекемелердегі төсек орындарының жеткіліктілігі көрсеткішінің төмендеуі байқалды.

Төртінші орынды Қарағанды облысы сақтап қалды. 7-орыннан 5-орынға негізінен бір жасқа дейінгі 1 000 нәрестеге шаққандағы өлім-жітім көрсеткішінің төмендеуі және креативті экономика саласындағы қызметтердің үлкен көлемі есебінен Астана қаласы көтерілді.
Павлодар облысы 3-орыннан 6-орынға түсті, бұл қауіпсіз су, санитария және гигиена болмауынан туындаған өлім-жітім көрсеткішінің нашарлауына байланысты. Жеті көшбасшының қатарын Солтүстік Қазақстан облысы аяқтайды, ол 6-орыннан түсіп, жергілікті маңызы бар жақсы және қанағаттанарлық күйдегі жолдардың үлесі бойынша көрсеткіштерді айтарлықтай нашарлатты.

Жеті өңірден сәл артта Жамбыл облысы тұр, ол Қостанай облысын 1 баллға жоғары жинап, 13-орыннан 8-орынға көтерілді. Ақмола облысы 5-орыннан 10-орынға төмендеп, креативті экономика саласындағы қызметтер көлемі бойынша көрсеткішті нашарлатты.

Қалған өңірлердің ішінде Жетісу, Ақтөбе және Қызылорда облыстары өз көрсеткіштерін жақсартты. Рейтингтің соңында Алматы және Түркістан облыстары өзгеріссіз қалды.